बाँके । निर्वाचन पर्यवेक्षकहरुले यस पटकको निर्वाचनमा मतदाताहरु उत्साहीत नदेखिएको बताएका छन्।
आइतबार बिहान ७ बजेबाट पर्यवेक्षण गर्दा बाँके जिल्लाको अधिकांश मतदान केन्द्रहरुमा उत्साहजनक रुपमा मतदाताहरुको उपस्थिति नपाएको बताएका हुन् ।
उनीहरुले विगतका निर्वाचनको तुलनामा यस पटक कमै मात्रामा मतदाताहरु भोट हाल्न पुगेको पाएको बताए। निर्वाचनको पर्यवेक्षण गरिरहेको सुशासन महासंघ नेपालका तर्फबाट पर्यवेक्षण गरिरहेका मानव अधिकारकर्मी आलम खानले बाँकेमा निर्वाचन शान्तिपूर्ण रुपमा अघि बढेपनि मतदाताहरुको उपस्थिति कम पाएको बताए। उनले उपस्थित मतादाताहरुमा मतदान उत्साहजनक रहेको बताए ।
बाँकेमा मतदान शान्ति पुर्ण तरिकाले भए पनि मतदान स्थलमा पत्रकारलाई जान नेपाल प्रहरीले रोक लगाए पाइएको थियो भने अधिकाश मतदान केन्द्रहरु आपङ्ग मैत्री नभएको पाइएको थियो ।
