बाँके । नेपाली कांग्रेसका नेता एवम् बाँकेको जानकी गाउँपालिकाका अध्यक्ष छब्बन खान स्वदेश फर्कनु भएको छ ।
भारतको लखनउस्थित इन्डो अस्पतालमा भर्ना भई उपचाररत रहनु भएकोमा आज बिहान अस्पतालबाट डिस्चार्ज भई आजै नेपाल फिर्ता हुनु भएको छ । नेपाल फर्किए पछि उहाँले स्वास्थ्य लाभको कामना गर्नु हुने बिभिन्न पालिकाका जनप्रतिनिधि, जानकी गाउँपालिकाका कर्मचारीहरु, विभिन्न राजनीतिक दलका नेता,, संचारकर्मी , उपचारमा संलग्न नेपाल र भारतका स्वास्थ्यकर्मीहरु र सहकर्मी सबैप्रति आभार र धन्यवाद व्यक्त गर्नुभयो ।
अध्यक्ष खानको मुटुमा समस्या देखिएपछि गत भाद्र ९ गते भेरी अस्पतालमा उपचारका भर्ना भए पनि थप उपचारका लागि लखनऊ पुग्नु भएको थियो ।
स्वास्थ्यमा उल्लेख्य सुधारपछि घर फर्किए पनि केही हप्ता पर्याप्त आराम गर्न अध्यक्ष खानलाई उपचारमा संलग्न चिकित्सकहरुले सुझाव दिएका छन् ।
स्वदेश फर्किनु भएका अध्यक्ष खानलाई जानकी गाउँपालिकाका जनप्रतिनिधिहरु र कर्मचारीहरुले स्वागत गर्नु भएको थियो ।
