बाँके । नेकपा एमालेले नेपालगंज उपमहानगरपालिकामा घरदैलो कार्यक्रम सुरु गरेको छ । विहिबार नेपालगंज वडा नम्वर ६ मा उम्मेद्वार सहित घरदैलो कार्यक्रम सुरु गरेको हो । नेपालगंज ६ का वडा अध्यक्ष पदका उम्मेदवार समिर प्रताप सिह, वडा सदस्यहरु सुरेश सोनी,प्रेम नारायण पाठक,नितु देबी पाठक र रमा बिश्वकर्मा संयुक्त रुपमा घरदैलो अभियान सुरु गरेका हुन् ।
नेपालगंज ६ को बिभिन्न टोलमा उनीहरुले घरदैलो गर्दै एमालेका उम्मेदवारलाई जिताउन आग्रह गरे । नेपालगंज ६ को समृद्धि र विकासका लागी एमालेको जीत आवश्यक रहेको बताउदै आफुहरुलाई जिताउन वडा अध्यक्ष सिंहले आग्रह गरे ।
उनीहरुले आफुहरुलाई जिताए जनताको सेवक भएर काम गर्ने जनतासंग प्रविद्धता ब्यक्त गरेका छन् । वडा अध्यक्षका उम्मेदवार सिहंले सडक, खानेपानी लगायत पूर्वाधार विकासका विगतका योजनालाई पुरा गर्न आफनो जित आवश्यक रहेको बताए । नेपालगंज ६ को हरेक टोललाई समान रुपमा विकास गर्नका लागि एमालेको जित आवश्यक रहेको बताए ।
वडा सदस्यका उम्मेदवार सुरेश सोनीले नेपालगंज ६ लाई सांस्कृतिक, धार्मिक पर्यटनका रुपमा विकास गर्नका लागि एमालेको जित आवश्यक रहेको बताए । उनले नेपालगंज ६ फुल्टेक्राको मात्रै नभएर नेपालकै विकास र समृद्धिको योजना एमालेसंग भएको बताउदै नेपालगंजको सवै वडालाई सुविधा सम्पन्न बनाउने भिजन र योजना रहेको सुनाएका थिए । उनले बृद्धबृद्धा,महिलालाई सम्मान गर्ने र बालबालिका,युवा यूवतीहरु संग सहकार्य गदै समातामुलका समाज निर्माण गर्ने पार्टी एमाले मात्रै भएको दाबी गरेका थिए ।
घरदैलो कार्यक्रम एमाले समर्थक लगायत वडामा उम्मेदवारी दिएका वडा अध्यक्ष र सदस्यहरुको सहभागिता रहेको थियो भने वडामा पुगेका उम्मेदवारलाई जनताले माला र अविर लगाएर स्वागत गरेका थिए ।
