काठमाडौं । नेपाली हाजीहरुको लागि काेभिड-१९ विरुद्धको भ्याक्सिन नेपाल आइपुगेको छ ।
नेपालबाट हज गर्नको लागि साउदी अरेबिया जाने नेपालीहरुको लागि कोभिड- १९ विरुद्धको Inactive Influenza vaccine र meningococcal polisaccharide vaccine आज आइपुगेको छ । नेपालबाट यस वर्ष ५ सय १४ जना नेपालीहरु हज गर्न साउदी अरेबिया जादैछन् ।
हाजीहरुको लागि आवश्यक पर्ने भ्याक्सिन नेपालमा उपलब्ध नभएपछि नेपाल सरकारको आग्रहमा नेपाली काङ्ग्रेसका युवा नेता डाक्टर अबुल हुसैन अन्सारीले बाङ्लादेशबाट आफ्नो पहलमा भ्याक्सिन लिएर आउनु भएको छ ।
काङ्ग्रेसका युवा नेता अन्सारीले भ्याक्सिनको लागि बिहिवार नेपालबाट बाङ्लादेश जानु भएको थियो। उहाँले आवश्यक भ्याक्सिनको व्यवस्था गरेर आज नेपाल फर्किनु भएको छ । नेपाली हाजीहरुको लागि भ्याक्सिनको व्यवस्था गरेकोले नेपाल सरकारलाई नेता अन्सारीले धन्यवाद दिनु भयो । नेपाल हज समितिका अध्यक्ष समसेर मिँयाले डाक्टर अबुल हुसैन अन्सारीको सचिवालयमा फोन गरेर धन्यवाद व्यक्त गर्नु भएको छ ।
