बाँके । बाँकेको डुडुवा गाउँपालिकाका निर्वाचित वडा अध्यक्ष सगिर खाँले मादक पदार्थ सेवन गरी एक जना युवक माथि बियरको बोतल प्रहर गरेको रहस्य खुलेको छ ।
जिल्लाको डुडुवा गाउँपालिका वडा नम्बर ४ बाट वडा अध्यक्षमा जनता समाजवादी पार्टीका तर्फबाट निर्वाचित भएका सगिर खाँले नेपालगञ्ज ६ फुल्टरक्रामा रहेको एक पसलमा मादक पदार्थ सेवन गरि एक युवक माथि आक्रमण गरे पछि बिवादले उग्र रुप लिएको थियो ।
मादक पदार्थ सेवन गरी वडा अध्यक्ष खाँले आक्रमण गरेको जानकारी पाउने बित्तिकै प्रहरी घटनास्थलमा पुगेर घटनाको बारेमा जानकारी लिनुका साथै वडा अध्यक्ष खाँले गल्ती गरेको स्वीकार गरेपछि अब देखि यस्ता काम नगर्ने भन्दै छोडिएको प्रहरीले जनाएको छ । घटना मिली सकेकोले युवकको नाम भने प्रहरीले सार्वजनिक गरेको छैन ।
