बाँके । बाँकेको खजुरा गाउँपालिकाका प्रमुख प्रशासकीय अधिकृत मनिराम खरालमाथी हातपात, कुटपिट, गाली गलौच तथा दुर्व्यवहार भएको भन्दै राजनीतिक दलहरुले एक बिज्ञप्ति प्रकाशित गरि घटनाको निन्दा गरेका छन् ।
यता पालिकाकाकर्मचारीहरुले हाकिम माथि आक्रमण भएको भन्दै आन्दोलित भएका छन् । प्रमुख प्रशासकीय अधिकृत खराललाई बुधबार गाउँपालिका अध्यक्षको कार्यकक्षमा हातपात गरिएको कर्मचारीहरुले बताए ।
उक्त गाउँपालिकामा कार्यरत करिव ३ दर्जन कर्मचारी र नेपाली कांग्रेस खजुरा गाउँपालिका सभापति रमेश सिजाली, नेकपा माओवादी केन्द्र खजुरा गाउँपालिकाका सचिव धनिराम ओली र नेकपा एकिकृत समाजवादी खजुरा गाउँपालिकाका अध्यक्ष जित बहादुर खत्रीले एक विज्ञप्ती जारी गर्दै प्रमुख प्रशासकीय अधिकृत खरालमाथी १२/१५ जनाको युवाहरुको समुहले हातपात गरेको उल्लेख गरेका हुन् । उक्त घटनाप्रति घोर भर्सना गर्दै कुटपिटमा संलग्न ब्यक्तिलाई यथाशिघ्र कडाभन्दा कडा कारबाही गर्न सम्बन्धित निकायको विज्ञप्तीमार्फत ध्यानाकर्षण गराएका छन् ।
दोषीहरुलाई तत्काल पक्राउ गरी कारबाहीको प्रक्रिया अगाडी बढाउन माग गरेका छन् । प्रमुख प्रशासकीय अधिकृत खराल र लेखा अधिकृत प्रदिप सुनारमाथी गाउँपालिकामै कार्यरत एक महिला कर्मचारीले यौन दुर्व्यवहार गरेको आरोप लगाए पनि महिलाले अधिकारीक रुपमा जाहेरी दरखास्त नदिनु घटना रहस्यमय रहेको स्थानीयहरुले बताए ।
प्रमुख प्रशासकीय अधिकृत खराल र लेखा अधिकृत सुनार संग व्यक्तिगत रिसिबीका कारण यौन दुर्व्यवहारको आरोप लगाउन महिला केहि युवाहरुले उचालेको र त्यहि क्रममा प्रमुख प्रशासकीय अधिकृत माथि आक्रमण भएको एक जनाले प्रत्यक्षदर्शिले बताए । प्रशासनिक काममा निकै कडा मानिएका अधिकृत खराल निकै सलिन भद्र र अनुशासित कर्मचारीको रुपमा आफ्नो परिचय बनाए पनि उनलाई केहि नियम बिपरित काम गर्न खोज्ने युवाहरुलाई कानुनी प्रकियामा रहेर काम गर्न सुझाएकै कारण खरालको चरित्र माथि प्रश्न उठाइएको छ । प्रमुख प्रशासकीय अधिकृत खरालले आफुहरु माथि लगाइएको आरोप निराधार भएको बताएका छन् उनले युथ टुडे न्युज संग कुरा गर्दै भन्नु भयो, मलाई र लेखा अधिकृतलाई बदनाम गराउनका लागि यौन दुर्व्यवहारको आरोप लगाएर आफु माथि आक्रमण गरिएको बताउनुभयो । आक्रमण गर्नेहरुको पहिचान गरि कारवाही गर्न स्थानीयहरुले माग गरेका छन् ।
महिला कर्मचारीले घटनाको पाँच दिनपछि मात्र यौन दुर्व्यवहारको आरोप लगाउनु, युवाहरु गाउँपालिकामै पुगेर प्रमुख प्रशासकीय अधिकृत माथि कारवाही गर्नु रहस्यमय बनेको छ ।
