बाँके । बाँकेको जानकी गाउँपालिकाका अध्यक्ष छब्बन खानको स्वास्थ्यमा समस्या देखिएपछि नेपालगञ्ज स्थित भेरी अस्पतालमा भर्ना गरिएको छ। आइतबार अचानक मुटुको धडकन बढेपछि राती १२ बजे उनलाई अस्पताल पुर्याइएको थियो ।
‘आइतबार राती १२ बजे अध्यक्ष ज्यूलाई अस्पतालाई ल्याइएको हो, अहिले उपचार भइरहेको छ,’ अस्पताल स्रोतले भन्यो । अध्यक्ष ज्युलाई अचानक मुटुको धडकन बढे पछि ल्याए पनि श्वास प्रश्वासमा समस्या देखिएको छ भने मुटु रोग बिशेषज्ञ डा बिपिन नेपालको प्रत्यक्ष निगरानीमा आइसियुमा राखेर उपचार भइरहेको भेरी अस्पतालले जनाएको छ ।
जानकी गाउँपालिकाका प्रमुख प्रशासकीय अधिकृत पर्शुराम उपाध्यायले युथ टुडे संग कुरा गर्दै भन्नुभयो, "अध्यक्ष खान खतरामुक्त हुनुहुन्छ र बोल्न थाल्नु भएको छ ।’’अध्यक्ष ज्युलाई आइसियुमा राखेर उपचार भइरहेको छ,स्वास्थ्यमा क्रमिक सुधार देखिनुका साथै अरु स्वास्थ्य अवस्था सामान्य रहेको बताउदै भन्नुभयो, अध्यक्ष खानको स्वास्थ्य सुधारोन्मुख रहेपनि केही दिन अस्पतालमै राखेर डाक्टरको निगरानीमा उपचार हुने छ।"
नरैनापुर गाउँपालिकाका अध्यक्ष शाहले भेरी अस्पतालमा भर्ना भएका जानकी गाउँपालिका अध्यक्ष एवं नेपाली कांग्रेसका नेता खानलाई भेटी स्वास्थ्य अवस्थाबारे जानकारी लिनु भएको अध्यक्ष शाहका प्रेस बिज्ञ आलम खानले जानकारी दिनु भयो ।
अध्यक्ष खानलाई नेपाली काग्रेसका बाँके क्षेत्र नं १ का सभापति पोषण केसी, जानकी गाउँपालिका वडा नं ५ का अध्यक्ष एवं प्रवक्ता टिकानाथ यादव, जानकी गाउँपालिकाका बरिष्ठ लेखा अधिकृत मतिन अहमद अन्सारी, नरैनापुर गाउँपालिका वडा नं १ का अध्यक्ष इसाक जोलाह लगायतको टोली अस्पताल पुगेर स्वास्थ्य लाभको कामना गरेको थियो ।
