बाँके । नरैनापुर गाउँपालिकाले शिक्षा ऐन, २०७५ को दफा १० बमोजिम गाउँपालिका शिक्षा समितिको संयोजकमा वडा नं–२ का अध्यक्ष तथा कार्यपालिका सदस्य मसुद अहमद शाहलाई नियुक्त गरेको छ। गाउँपालिका अध्यक्ष इस्तियाक अहमद शाहले जारी गरेको सूचनामा शाहलाई शिक्षा समितिको संयोजन तथा व्यवस्थापन प्रभावकारी रूपमा सञ्चालन गर्न जिम्मेवारी दिइएको उल्लेख छ।
जारी पत्रमा शिक्षा तथा खेलकुद शाखाका प्रमुखसहित सम्बन्धित अधिकारीलाई निर्णयको जानकारी गराई नियमावली अनुसार कार्य सम्पादन गर्न अनुरोध गरिएको छ।
यस निर्णयसँगै नरैनापुर गाउँपालिका अन्तर्गत शिक्षा क्षेत्रको समन्वय, व्यवस्थापन र नीतिगत कार्यान्वयन अझ सुदृढ हुने अपेक्षा गरिएको छ।
