बाँके । राष्ट्रिय प्रजातन्त्र पार्टी (राप्रपा) नेपालगंज २ ले आगामी चुनावको लागि चुनावी घोषणापत्र सार्वजनिक गरेको छ । बैशाख ३० गते हुने स्थानीय तहको निर्वाचनको लागि ३ पेज लामो घोषणापत्र सार्वजनिक गरेको हो ।
राप्रपाले स्थानीय करको दर परिमार्जन गरी न्युनतम करको व्यवस्था गर्ने घोषणा गरेको छ । महिलाले सञ्चालन गरेका घरेलु उद्योग व्यवसायमा स्थानीय कर छुट दिने राप्रपाको घोष्णापत्रमा उल्लेख गरिएको छ ।
राप्रपाले नागरिकलाई निःशुल्क स्वास्थ्य बीमा गर्ने, सुत्केरी सेवामा तीन महिनासम्म सुत्केरीलाई मासिक २ हजार भत्ता दिने घोषणा पनि गरेको छ । स्थानीय महिला स्वास्थ्य स्वयंसेविकालाई प्रोत्साहन भत्ता दिने, वडामा खुला व्यामशाला निर्माण गर्नुका साथै विभिन्न धार्मिक परम्परागत मान्यतामा आधारित शैक्षिक संस्थाको संरक्षण गर्ने अध्यक्ष पदका उम्मेदवार मनोज कुमार श्रेष्ठले बताए ।
यस्तै वडा सदस्य पदका उम्मेदवार राप्रपाका नेता रबि शंकर बर्माले भ्रष्टाचार अन्त्य गरी जनतालाई सहज सेवा दिने उद्देश्यका साथ उम्मेदवारी दिएर मैदानमा होमिएकोले मतदान गरी बिजय गराउन अपिल गर्नु भयो । श्रेष्ठको नेतृत्वमा वडा सदस्यहरु हरे कृष्ण श्रेष्ठ,रबि शंकर बर्मा, दलित महिला सदस्य नन्कली सार्की,महिला सदस्य, लक्ष्मी देबी योगिनी उम्मेदवार रहनु भएको छ ।
