बाँके । शुक्रबार हुने स्थानीय तह निर्वाचनको लागि बाँकेको डुडुवा गाउँपालिका वडा नं ४ मा मतदान स्थलको निर्माण सम्पन्न भएको छ ।
डुडुवा गाउँपालिकाको अन्य मतदान केन्द्र भन्दा पहिलै छिटो र सुरक्षित तवरबाट मतदान गर्न सहज बनाउने उद्देश्यले मतदान स्थल तयार पारिएको डुडुवा ४ मा रहेको मतदान केन्द्र (ग) का मतदान अधिकृत कविराम बुढाथोकीले जानकारी दिनु भयो । स्वच्छ, निष्पक्ष र धाँधलीरहित वातावरणमा मत मतदान गर्न मतदानस्थलको निर्माण गरिएको डुडुवा ४ मा रहेको मतदान केन्द्र (ख) का मतदान अधिकृत लक्ष्मण बहादुर केसीले जानकारी दिनुभयो । डुडुवा गाउँपालिकाको ४ मा रहेको आधारभुत बिधालय शाहपुर्वा स्कुलमा ३ वटा मतदान केन्द्र निर्माण गरिएको अधिकृत केसीले बताउनुभयो ।
उहाँका अनुसार मतदानका लागि सुरक्षित र सहज हुने गरी सम्पूर्ण तवरबाट व्यवस्थापन गरिएको छ । “मतदानका लागि मतदानस्थललाई सुरक्षित बनाइएको छ”, उहाँले भन्नुभयो, “सबैको चित्तबुझ्दो तवरबाट मतदानस्थलको व्यवस्थापन गरिएको छ ।” समयमा मतदान सम्पन्न गर्ने गरी व्यवस्थापन गरिएको उहाँले बताउनुभयो । “मतदानस्थललाई कसरी व्यवस्थित, स्वच्छ, निष्पक्ष सौहार्दपूर्ण वातावरणमा सम्पन्न गराउने भन्नेतर्फ प्रतिबद्ध छौँ, आयोगको निर्देशनबमोजिम नै व्यवस्थित मतदानस्थलको निर्माण गरेका छौँ”, उहाँले भन्नुभयो ।
