काठमाडौँ । नेकपा (माओवादी केन्द्र)का अध्यक्ष पुष्पकमल दाहाल‘प्रचण्ड’ले स्थानीय तहको निर्वाचन नसर्ने बताएका छन् ।
सोमबार पार्टी कार्यालय पेरिसडाँडामा आयोजित पत्रकार सम्मेलनमा प्रचण्डले निर्वाचन सर्ने प्रयास अनुमान मात्र भएको बताए । उनले भने,“निर्वाचन सर्दैन । गठबन्धनमा निर्वाचन सार्नेबारे कुनै तर्क वितर्क भएको छैन । हामी निर्वाचनमा केन्द्रित भएर लागेका छौँ ।”
प्रचण्डले निर्वाचन सर्ने विषयमा नेपालमा विचित्रको संस्कार बनेको बताए । “निर्वाचनको बिहान पनि निर्वाचन सर्छ रे नि भन्ने चर्चा गर्छ । विगतमा पनि त्यस्तो भएको थियो,” उनले भने ।
प्रचण्डले सरकार र सरकारमा रहेका कुनै पनि दल निर्वाचन सार्ने मनसायमा नरहेको बताए ।
