काठमाडौं । जनमत पार्टीका सांसद अब्दुल खानले विकास निर्माणको काममा ढिलाइ भए संसद्भित्र अनसन बस्ने चेतावनी दिएका छन् ।
बुधवार बसेको प्रतिनिधि सभा बैठकको शून्य समयमा सांसद खानले विकास निर्माणका काम ढिलाइ भए अनसन बस्ने चेतावनी दिएका हुन् ।
‘बर्दियाको जब्दीघाट पुल बनाउन मागगर्दै पूर्वमन्त्री (सञ्जय गौतम)ले पटक-पटक आवाज उठाउँदा त्यो कुराको सुनुवाइ भएको छैन । पूर्वगृहमन्त्री रवि लामिछानेले नारायणगढ–बुटवल सडकमा पैदल यात्रा गर्नुभयो । जनहितकारी काम समयमा नभए संसदमा अनसनमा बस्न म तयार रहेको जानकारी गराउछु’, उनले भने । संसद खानले बाघ आयल बन्द नभएकोले नियन्त्रण गरी बिकास निर्माणको कामममा गम्भीर बन्न सरकारको ध्यानाकर्षण गराएका थिए ।
