बाँके । बाँकेको नरैनापुर गाउँपालिकामा जनता समाजवादी पार्टी (जसपा) नेपाल विजयी भएको छ । अध्यक्षमा इस्तियाक अहमद शाह र उपाध्यक्षमा जयन्तीदेवी श्रीवास्तव निर्वाचित भएका हुन् । दुबै जना पालिकामा दोहोरिएका छन् ।
शाहले कांग्रेसका रामचन्द्र मौर्य र श्रीवास्तवले कांग्रेसकै अतिकुन निशा खाँलाई पराजित गरेका हुन् । शाह ५०३७ मतका साथ निर्वाचित भएका हुन् । निकटतम प्रतिद्वन्दी मौर्यले ३६८५ मत पाएका छन् भने श्रीवास्तव ३८७९ मतका साथ निर्वाचित हुँदा खाँले ३६७२ मत पाइन् ।
नरैनापुरमा ४ वटा वडा कांग्रेस र २ वडा जसपाले जितेका छन् । वडा नम्बर १, ४, ५ र ६ मा कांग्रेस तथा २ र ३ मा जसपा विजयी भएका हुन् ।
