काठमाडौं । सामाजिक सञ्जालमा हाल दिनानुदिन हरित अभियान्ता हेमन्तराज काफ्लेलाई आगामी सरकारको कृषि मन्त्री बनाउने माग चर्को बनेको छ । वातावरण संरक्षण, हरित प्रविधि र दिगो कृषि अभ्यासलाई प्रोत्साहन गर्न सक्रिय काफ्लेले लामो समयदेखि स्थानीयदेखि राष्ट्रिय स्तरमा अभियान चलाउँदै आएका छन् ।
सामाजिक सञ्जाल प्रयोगकर्ताले काफ्लेलाई “कृषि क्षेत्रमा रुपान्तरण ल्याउने योग्य व्यक्ति” भन्दै समर्थन जनाएका छन् । उनीहरूले परम्परागत कृषि प्रणालीलाई आधुनिक वैज्ञानिक प्रविधिसँग जोड्न सक्ने क्षमता भएको भन्दै मन्त्री पदका लागि उनको नाम अघि सारेका हुन् ।
युवा पुस्तादेखि किसानसम्मको व्यापक समर्थन पाइरहेका काफ्लेले जैविक खेती, वातावरणमैत्री प्रविधि, जलवायु परिवर्तन न्यूनीकरण र किसानलाई प्रत्यक्ष लाभ हुने नीति निर्माण गर्न सक्ने विश्वास गरिएको छ ।
सामाजिक सञ्जालमा फैलिएको मागलाई कतिपयले नयाँ पुस्ताको चाहना र कृषि क्षेत्रमा रूपान्तरणको अपेक्षासँग जोडेर हेरेका छन् ।
