बाँके । बाँकेको जानकी गाउँपालिकाको १७औं गाउँसभा सम्पन्न भएको छ । गाउँपालिकाका अध्यक्ष छब्बन खाँको सभाध्यक्षतामा भएको गाउँसभाले स्थानीय सरकार संचालन ऐन २०७४ को मर्म अनुरुप चालु आर्थिक वर्षको २०८१/०८२ को योजना कार्यक्रम तथा वजेट सँशोधन एवम रकमान्तर र जानकी गाउँपालिका नगर प्रहरी ऐन, २०८१ पारित गर्दै गाउँसभा सम्पन्न भएको गाउँपालिकाका प्रवक्ता टिकानाथ यादवलले बताउनु भयो । 
गाउँसभाबाट ऐन पारित भएसँगै नगर प्रहरी नियुक्तिका लागि बाटो खुलेको छ । गाउँपालिकामा हालसम्म नगर प्रहरीको व्यवस्था भएको थिएन ।
गाउँपालिकाको १७औं गाउँसभामा पालिकाका अध्यक्ष छब्बन खाँ ,उपाध्यक्ष रामप्यारी यादव ,प्रमुख प्रशासकिय अधिकृत नर वहादुर विक, वडाका अध्यक्षहरु , कार्यपालिका सदस्यहरु , वडा सदस्यहरु ,पालिकाका विभन्न शाखाका प्रमुखहरु लगायत कर्मचारीहरुको समेत उपस्थिती रहेको प्रशासन प्रमुख गोपि चौलागाईले जानकारी दिनु भयो
।
Yadav