बाँके । बाँकेको नरैनापुर गाँउपालिका–३ गेगलीमा ‘झाडापाखाला’ को प्रकोप देखिएपछी बाँकेका प्रमुख जिल्ला अधिकारी खगेन्द्र रिजाल सहितको टोली प्रभावित क्षेत्रमा पुगेको छ ।
गाँउपालिका अन्तर्गत वडा नम्बर ३ गेगली झाडापाखालाको प्रकोप फैलिए पाएपछि प्रमुख जिल्ला अधिकारी तथा सम्पुर्ण सुरक्षा निकाय, नरैनापुरका अध्यक्ष र जनस्वास्थ्य कार्यालयको नेतृत्वमा चिकित्सकको टोली प्रभावित क्षेत्रमा पुगेको होे । 
झाडापाखालाको प्रकोप अत्याधिक भएको खबर पाएपछि औषधि सहित टोली उक्त प्रभावित क्षेत्रमा पुगेको बाँकेका प्रमुख जिल्ला अधिकारी रिजालले जानकारी दिनु भयो ।
झाडा पाखालाका कारण बाँकेको नरैनापुरका ४ जनाको मृत्यु
बाँकेको नरैनापुरमा झाडा पाखालाका आईतबार ४ जनाको मृत्यु भएको थियो । नरैनापुर –३ गेगलीमा एकै परिवारका २ जना गरी ४ जनाको मृत्यु भएपछि प्रमुख जिल्ला अधिकारी रिजाल सहित स्वास्थ्यकर्मीको टोली नरैनापुर पुगेको हो ।
एक्कासि फैलिएको झाडापखालाबाट गाउँका ५० जना बिरामी परेका छन । वडा सदस्य यार मोहम्मद खाँका अनुसार हरिराम पासीको श्रीमति वर्ष २५ कि रुसा पासी र उनी छोरी वर्ष डेढ कि नन्दनी पासी, मोहन लाल पासीको श्रीमति वर्ष ६० कि शान्ति पासी, र सखावत अलिको छोरा वर्ष १० को यूसुफको मेट दुखाई पछि सुरु भएको बान्ता र झाडापाखा कै कारण भएको बताउनु भयो ।
झाडापखालाले पुरै गेगली गाँउ प्रभावित बनेको छ भने उपचार सुरु गरिएको जनस्वास्वस्थ्य निरिक्षक देब नारायण उपाध्ययले बताउनु भयो ।
अत्यधिक गर्मी र खानेपानीमा केही गडबडी भएका कारण सो गाउँमा झाडा पखाला फैलिएको हुनसक्ने स्वाथ्यकर्मीको भनाई छ । फोहोर पानीका कारण उनीहरूमा झाडापखाला लागेको र मृत्यु भएको हुनसक्ने बताइएको छ ।
