काठमाडौँ । पूर्वप्रधानमन्त्री डा. बाबुराम भट्टराई काठमाडौँ महानगरपालिकाका मेयर बालेन शाहसँग भेटेर बाहिरिएका छन्।
ललितपुरको ज्वागलस्थित कुमार बेनको घरमा डा. भट्टराई र मेयर शाहबीच भेटवार्ता भएको हो। मेयर शाहले परामर्शका लागि बोलाएकोले आफू आएको भट्टराईले बताए।
नयाँ शक्तिहरू मिल्नुपर्छ भन्ने आफ्नो १० वर्षदेखिको सपना भएको उनले बताए।
उनले भने,’नयाँ र वैकल्पिक मिल्नुपर्छ भन्ने मेरो १० वर्षदेखिको सपना हो। यसै विषयमा परामर्श गर्न बालेनजीले बोलाउनुभएको थियो र म यहाँ आएको हुँ। विचार र एजेन्डामा सबै मिल्नुपर्छ। सबै एक भएर जानुपर्छ।’
मेयर शाहले केही दिनयता राजनीतिक भेटघाटलाई तीव्रता दिएका छन्। आज मात्रै उनले राष्ट्रिय स्वतन्त्र पार्टीका सभापति रवि लामिछनेसँग एक्लाएक्लै वार्ता गरेका थिए।
उनले जेन–जी अभियन्ताहरूसँग पनि छलफल गरेका छन्।
