बाँके । बाँकेको नरैनापुर संग सिमाना जोडिएको भारतको बघौडा ताल देखि ५ किलोमिटर पूर्व राजपुर मोडमा मंगलबार राति साढे ८ ट्रेक्टर र मोटरसाइकल ठोकिदा मोटरसाइकलमा आगलागी भएको थियो । 
मोटरसाइकलमा आगलागि हुदाँ बाँकेको राप्ती सोनारी गाउँपालिका वडा नं १ खासकुश्मा घर भएका मोटरसाइकल चालक गोबर्धन घर्तिको घटना स्थलमा मृत्यु भएको थियो । मोटरसाईकलमा सवार अन्य दुई दुईजना गम्भीर घाइते भएका थिए ।
मंगलबार भारतबाट नेपालको भौवा नाका तर्फ जादै गरेका रा ४ प ७६५ नम्बरको मोटरसाइकल भारतीय ट्रेक्टरमा एकापसमा ठोकिएर दुर्घटना हुँदा मोटरसाइकलमा आगलागी भएको बघौडा बजारका व्यापारी मोहम्मद इबरारले जनाकारी दिनु भयो।
घाइतेहरु राम बहादुर सिंह र कल्पना को श्रावस्ती जिल्ला अस्पताल भिन्गामा उपचारमा क्रममा मृत्यु भएको राजपुर थानाका प्रमुख अजय सिहंले जानकारी दिनु भयो । उहाँले भन्नुभयो मृतक तिनै जनाको शवलाई भिन्गा जिल्ला अस्पतालमा राखिएको छ । सिंहले मृतकहरुको परिवार समक्ष खबर पुर्याइदिन आग्रह गर्नु भयो ।
