बाँके ।‘समृद्ध नेपाल, सुखी नेपाली’ नागरिकको सपना होइन, सरकारको विज्ञापन हो । किनकि, त्यो सपनामा नागरिकको सहभागिता छैन, बरु सरकारको एकोहोरो प्रोपोगान्डा छ । आज आधा देश २४ वर्षमुनिको छ । तर, यो नाराले युवालाई जोड्न सकेको छैन । युवाका लागि बुनिएको यो नाराको कार्यान्वयनमा युवाको भूमिका खोइ ? राजनीतिमा युवाको सपनाको प्राथमिकीकरण खोइ ? आजका युवा के सोच्छन्, कसरी सोच्छन्, अनि किन त्यसरी सोचिरहेका छन् भन्ने कुरा अबको राजनीतिको एजेन्डा बन्न जरुरी छ । ‘देश, बस्नलायक छैन’, ‘ राजनीतिप्रति रुचि छैन’, ‘समृद्धि गफ हो, आउँदैन’, ‘सरकारमाथि विश्वास छैन’ यी मेरा भनाइ होइनन्, युवाले व्यक्त गरिरहेका विचार हुन् । विगतमा झै आगामी बैशाख ३० गते हुने स्थानीय तह निर्वाचनमा पनि धेरै नयाँ युवाले जनसेवा गर्ने इच्छा ब्यक्त गरिरहेका छन ।
सोही मध्येका एक युवा हुन दिपेन्द्र धिताल (अर्थोक) । राजनीति र जनसेवालाई नजिकबाट नियाली रहनुभएका २९ बर्षिय उहाँले यसपटक नेपालगंज ९ को वडा अध्यक्ष पदमा उम्मेदवारी दिने तयारी गर्नुभएको छ ।
उहाँले भन्नुभयो, ‘वडाबासी सँग भिजेको, सबैको घरदैलोमा पुगी त्यहाँको समस्याबारे जानकार भई ठुलो भीजन बोकी, वडाबासीका एजेन्डा स्पष्ट सँग उप–नगर र विभिन्न सरोकारवाला निकाय सँग राख्न सक्ने, राम्रो शैक्षिक योग्यता भएको, योजना बनाउन सक्ने सक्षम र जन–लोकप्रिय इमानदार युवा भएकाले उम्मेदवारी दिदैछु । मलाई वडाबासीको साथ, समर्थन राम्रो छ ।’
विद्यार्थीकाल देखी नै राजनीतिक क्षेत्रमा क्रियाशिल दिपेन्द्र धिताल (अर्थोक) हाल नेकपा माओवादी केन्द्र नेपालगंज उप–महानगर कमिटी सदस्य तथा ९ नम्बर वडा कमिटी पुर्व अध्यक्ष समेत रहिसक्नु भएको छ । राजनीति शास्त्रमा बीए गर्नुभएका अर्थोकले कम्युटर ओभरसियरको शैक्षिक उपाधी पनि प्राप्त गर्नुभएको छ ।
दिपेन्द्र धिताल (अर्थोक) को राजनीतिक यात्रा :
२०६५ – अखिल क्रान्तिकारी युनाईटेड स्कुल कमिटी इकाई कोषाध्याक्ष (टिकापुर कैलाली)
२०६८ – अखिल क्रान्तिकारी इकाइ सदस्य (कोटेश्वर बहुमुखी क्याम्पस) काठमाडौं
२०७० – अखिल क्रान्तिकारी जिल्ला समिति सदस्य (सीटीइभीटी पश्चिम)
२०७१ – अखिल क्रान्तिकारी निर्वाचित जिल्ला सह–सचिव
२०७३ – अखिल क्रान्तिकारी केन्द्रिय सदस्य
२०७८ – नेकपा माओवादी केन्द्र नेपालगंज उप–महानगरपालिका वडा नं. ९ अध्यक्ष (हाल निवर्तमान)
२०७८ – नेकपा माओवादी केन्द्र नेपालगंज उप–महानगर कमिटी सदस्य
