बाँके । सामाजिक संजालमा मुस्लिम समूदायका विरुद्धमा स्टाटस लेख्ने र विवादित भिडियोहरु सेयर गर्नेहरुलाई कारवाही गर्नु पर्ने माग गर्दै मुस्लिमहरुले गत आईतबार नेपालगंजमा गरेको प्रर्दशनको विरुद्धमा हिन्दु समाजले आज गरे पनि स्थिती तनाब ग्रस्त बन्न पुगेको हो ।
प्रर्दशनका क्रममा बाँकेको नेपालगंजमा हिन्दू र मुस्लिम समुदायबीच झडप भएको छ । स्थिति नियन्त्रण बाहिरा गए पछि जिल्ल प्रशासन कार्यालयले कर्फ्यु आदेश जारी गर्दै ठूलो संख्यामा नेपाल प्रहरी, सशस्त्र प्रहरी र नेपाली सेना परिचालन गरिएको छ ।
मुस्लिमहरुको घरमा तोडफोड सुरु भएको देखे पछि प्रहरीले दर्जनौं सेल अश्रुग्याँस र हवाई फायर गरे पछि स्थिति नियन्त्रणमा आएको थियो । हिंसा भड्किएको नेपालगंज क्षेत्रमा कर्फ्यु आदेश जारी भएको छ । हिंसा नियन्त्रणमा लिन जिल्ला प्रशासन कार्यालय बाँकेले कर्फ्यु आदेश जारी गर्नु परेको जनाएको हो ।
नेपालगञ्ज नगर क्षेत्रको पूर्वमा राप्ती नदि पुल, पश्चिममा खजुरा रोडको ईन्द्रपुर जाने बाटो, उत्तरमा राँझा चोक र दक्षिणमा जमुनाहा नाका सीमा क्षेत्र भित्र कर्फ्यू आदेश जारी गरिएको हो । अनिश्चितकालसम्म लगाइएको कर्फ्यू आदेशका समयमा कसैलाई पनि भेला, सभा समारोह, जुलुस तथा ¥याली, हुल हुज्जत र हिँड्डुल नगर्न आदेश दिइएको छ ।
दिउँसो १ बजेबाट लगाइएको कर्फ्यु अर्को आदेश जारी नभएसम्म जारी रहने प्रमुख जिल्ला अधिकारी विपिन आचार्यले जानकारी दिए ।
आज ओमकार परिवार हिन्दु समाजले निकालेको ¥यालीको क्रममा विवाद उत्पन्न भइ नेपालगञ्ज उपमहानगरपालिका क्षेत्रमा भएको सार्वजनिक सम्पत्ति तोडफोड, ढुंगामुडा प्रहार, उच्छृंखल गतिविधि लगायतका विरोध प्रदर्शनका कारण सर्वसाधारणको सुरक्षामा पर्नसक्ने सम्भावित जोखिम एवं शान्ति भंग हुन जान सक्ने स्थिति देखिएकोले नेपालगञ्ज नगर क्षेत्रमा कर्फ्यू आदेश जारी गरिएको छ,’ आदेशमा भनिएको छ ।
