बाँके । जिल्ला प्रशासन कार्यालय बाँकले चाडपर्वको नाममा अवाञ्छित एंव कानुन विपरीतका कार्य नगर्न आग्रह गरेको छ । प्रमुख जिल्ला अधिकारी खगेन्द्र प्रसाद रिजालले बुधबार एक सूचना जारी गर्दै आउँदै गरेको शुभ दीपावली, भाईटिका, म्ह पुजा, नेपाल संम्वत् र छठ पर्वको उपलक्ष्यमा शुभ कामना दिदैँ मर्यादित र शान्तिपूर्ण तरिकाले मनाउन आग्रह गर्नु भएको छ ।
चाडपर्वको समयमा सवारी साधनको प्रयोगमा चाप हुने भएकाले उचित व्यवस्थापन गर्न जिल्ला प्रहरी कार्यालय, यातायात व्यवस्था सेवा कार्यालय, जिल्ला ट्राफिक प्रहरी कार्यालय, यातायात व्यवसायी तथा सरोकारवाला सम्पूर्णमा जिल्ला प्रशासन कार्यालयले विशेष अनुरोध गरेको छ ।
चाडपर्वका समयमा सार्वजनिक स्थलमा होहल्ला र झैझगडा नगर्न, मादक पदार्थ सेवन गरी पारिवारिक र सामाजिक जनजीवन साथै सार्वजनिक मर्यादा र शान्ति सुरक्षामा खलल् पु¥याउने गतिविधि नगर्न आग्रह प्रजिअ रिजालले अपिल गर्नु भएको छ ।
