काठमाडौं । नेकपा एमाले र जनता समाजवादी पार्टी (जसपा)बीच सिट बाँडफाँटमा सहमति जुटेको छ । एमालेसँगको तालमेलमा जसपाले १७ सिट पाउने भएको छ ।
सत्तारुढ गठबन्धनमा रहँदा जसपाले ३२ सिट दाबी गरेको थियो । सत्ता गठबन्धनमा आवद्ध दलहरूबीच सिट बाँडफाँट हुँदा जसपाले २२ सिट पाउने पक्का भएको थियो । 
तर, २२ सिट मात्र दिएर आफ्नो अवमूल्यन भएको भन्दै एमालेसँग तालमेल गर्न पुगेको जसपाले गठबन्धनले दिएको भन्दा पाँच सिट कम पाएको छ ।
