कोहलपुर । विगत १ वर्ष देखि घाँटीको क्यान्सर बाट पीडित राप्तीसोनारी ९ का मोतीलाल परियारको आर्थिक अभावका कारण उपचारमा समस्या देखिएको छ ।
पारिवारिक स्रोतका अनुसार हाल सम्म लखनउ, दिल्ली ,काठमाडौ , र खजुरामा उपचार गर्दा करिब ११ लाख रुपैयाँ खर्च भएको छ ।
उपचार पछी स्वास्थमा सामान्य सुधार आएपनी गत पुनः स्वास्थमा समस्या देखिएपछि गत शुक्रबार चितवन स्थित बि.पी कोइराला मेमोरियल क्यान्सर अस्पतालमा भरतपुरमा उपचार भैरहेको छ। मंगलबार सामान्य अप्रेसन गरि वायोस्पी परिक्षणका लागि मासु निकाएर पठाएको अस्पतालले जनाएको छ ।
उनको वायोस्पी परिक्षको रिपोर्ट पश्चात थप उपचार प्रक्रिया सुरु हुने बताइएको छ । टेलिफोनमा कुराकानी गर्दै परियारका छोरा कविन्द्र परियारले एक हप्ताको अवधीमा ९० हजार रुपैयाँ खर्च भएको बताए ।
अहिलेसम्म ११ लाख भैसकेको छ थप रेडिसन उपचारका लागि ३ लाख जति आवश्यक पर्छ होला सामान्य परिवारका मान्छे लाई क्यान्सरको उपचार गर्न गार्हो रहेछ । परियारले भने बाँके जिल्लामा पत्रकारिता गरि रहेका परियार पछिल्लो समय मिसन टुडे राष्ट्रिय दैनिकम कार्यरत छ्न ।
