मन्दीर र मस्जिदलाई रङरोगन गरेर अजीजले दिए सदभावको सन्देश

बाँके । आध्यात्मिक चिन्तन र सामाजिक क्षेत्रमा काम गर्दै आउनु भएका हाजी अब्दुल हमीदको वर्षगाँठको अवसरमा कुनै तामझाम नगरी उनका छोराले मन्दीर र मस्जिदको रङ रोगन गरिदिएका छन् । 

वर्षगाँठको अवसरमा परिवारीक तामझाम गर्ने चलनलाई धार्मिक मान्यता विपरीत रहेको बताउदै छोरा अब्दुल अजीजले तामझाम गर्ने पैसाले मन्दीर र मस्जिदमा रङ लगाए पछि चौतर्फी प्रशंसा भएको छ ।

नेपालगंजमा ५ मा रहेको मन्दीर र मस्जिदलाई रङरोगन गरे पछि स्थानीयले समाजमा रहेका गरिब, दुखी, निमुखा, बेसाहराहरुलाई सहयोग गरेर आफुलाई सामाजिक कार्यमा लगाउदै आएका अजीजलाई बधाई दिएका छन् । 

अजीजले भन्नुभयो, वास्तबमा यो कार्य मानब जीवनका लागि अति आबश्यक पनि हुन्छ, सबैले मानवीय कार्य गरे समाजमा रहेको बिकृतिलाई अन्त्य गर्न सकिन्छ । उहाँले भन्नुभयो ‘आमा बुबाको बर्षगाँठमा तामझाम गर्नु भन्दा धार्मिक कार्यमा पैषा खर्च गर्नु ठूलो पून्य प्राप्त हुने बिश्वासका साथ मैले मन्दीर र मस्जिदमा पैसा खर्च गरेको हे ।’

सामाजिक सांस्कृतिक ऐक्यवद्धता, सदभाव र सहिष्णुता नेपाली समाजको विशेषता हो भन्दै उहाले यही विशेषताले स्थापीत गराउन मन्दीर र मस्जिदमा रङ लगाएको बताउनु भयो ।

परम्परागत धार्मिक संस्कृतिको जगेर्ना गर्न र सामाजिक सदभाव कायम गर्न नेपालगंज ५ स्थित मन्दीर र मस्जिदको सौर्दयकरण गरेको बताउदै उहाँले भन्नुभयो,“तपाई मध्य कसैले पनि कुनै दिन ब्लड बैँकमा यो प्रश्न सोध्नु भएको छ कि मलाई हिन्दुको ब्लड चाहियो वा मलाई मुस्लिमको ब्लड चाहियो ! कसैले पनि सोधेन्न ! जब मृत्युको समयमा भेदभाव गरिदैन भने जीवनमा केका लागि गर्छौ ? हामी सबै एक हौँ ।” उहाँको यो मार्मिक भनाईले पनि समाजमा रहेको बिकृति अन्त्यका लागि एकताबद्ध हुन जरुरी रहेको सन्देश दिएको छ । 

समाजलाई उन्नति तर्फ लैजानु र भड्केको मनलाई सिलाउनु नै सामाजिक सेवा हो । तसर्थ शुद्द मनले हामी जहाँ र जुन अबस्थामा छौ, समाज सेवामा लागौ । सम्पतिको नाममा जन्मदा हामी रित्तो आएका थियौ र मर्दा पनि रित्तै जाने हौ । तसर्थ सक्दो आफ्नो गाउ, ठाउ र समाजको लागि केहि गरौ, केहि दिऔ, तर ठाउँ गाउ बाट खोसेर केहि पनि नलिऔ ।