काठमाडौँ । नेपाल पत्रकार महासङ्घको २७ औँ महाधिवेशनका अवसरमा रेडियो नेपालका मुख्य सम्वाददाता प्रमोद दाहाल प्रेस स्वतन्त्रता सेनानीबाट सम्मानित हुनुभएको छ ।
महाधिवेशनको उद्घाटन सत्रमा प्रधानमन्त्री पुष्पकमल दाहाल प्रचण्डले मुख्य संवाददाता दाहाललाई प्रेस स्वतन्त्रता सेनानी सम्मानपत्र प्रदान गरी सम्मान गर्नुभएको हो ।
सो अवसरमा रेडियो नेपालका मुख्य कार्यक्रम अधिकृत उद्धवसिंह ढाट पनि प्रेस स्वतन्त्रता सेनानीबाट सम्मानित हुनुभएको छ ।
यसैगरी वरिष्ठ पत्रकारहरू शम्भु श्रेष्ठ, डा. बालकृष्ण चापागाईँ, रमेश तुफान, निर्मला आचार्य, प्रकाश खतिवडा, दुर्गा शर्मा, कुशल बाबु बस्नेत, परशु घिमिरे, हेमन्त पौडेल, दिलबहादुर छत्याल लगायतका वरिष्ठ पत्रकारहरूलाई पनि प्रेस स्वतन्त्रता सेनानी सम्मानबाट सम्मानित गरिएको थियो ।
