बाँके। नेपालगंज उपमहानगरपालिकाको मेयरमा बागी उम्मेदवारी दिएका नेकपा माओबादी केन्द्रका दुई जनाले मनोनयन फिर्ता लिएका छन् ।
यसअघि मेयरमा उम्मेदवारी दिएका टक धामी र तारा कुमारी खत्रीले शुक्रबार निर्वाचन अधिकृतको कार्यालयमा गई मनोनयन फिर्ता लिएका हुन् ।
मनोनयन फिर्ता लिएपछि धामीले केही दिन सांकेतिक विद्रोह गरेको तर आफूहरुको कारणले राष्ट्रको स्थिति असहज हुने देखेर फिर्ता लिएको बताए ।
त्यस्तै खत्रीले भने माओबादीको इमान्दार कार्यकर्ताको हैसियतमा पार्टीको निर्णय मानेर सत्तारुढ गठबन्धनका उम्मेदवारलाई मत दिनु आफूहरुको दायित्व भएको बताए ।
