बाँके । नेपाल कम्युनिष्ट पार्टी माओवादीबाट नेपालगन्ज उपमहानगरपालिकाको मेयरका आकांक्षी नन्दलाल वैश्य राष्ट्रिय प्रजातन्त्र पार्टी (राप्रपा) मा प्रवेश गर्न लागेका छन् । आज केही समयपछि पार्टी प्रवेश कार्यक्रम तय गरिएको राप्रपाका केन्द्रीय सहायक महामन्त्री ऋषिराज देवकोटाले जानकारी दिनु भयो ।
बिहीबार वैश्यले मात्र पार्टी प्रवेश गर्ने र शुक्रबार अरु स्थानीय नेता तथा कार्यकर्तालाई प्रवेश गराउने कार्यक्रम रहेको राप्रपाले जनाएको छ।
उनी नेकपा माओवादी केन्द्र नेपालगन्ज उपमहानगरपालिका नगर कमिटीका सहसचिवसमेत रहेको उनी नेपालगन्ज उद्योग वाणिज्य संघका पूर्व अध्यक्ष हुन् । उनी राप्रपामा प्रवेश गरेर मेयरमा चुनाव लड्ने बुझिएको छ ।
पाँच दलिय गठबन्धन भए पछि नेपालगञ्ज उपमहानगरपालिकाको मेयर काग्रेसको भागमा परेको पछि उनी दल परिवर्तन गर्न लागेको स्रोतले जनाएको छ ।
