बाँके । लुम्बिनी र सुदूरपश्चिम प्रदेशका ६ जिल्लाका विपन्न परिवारलाई लक्षित गर्दै निःशुल्क स्वास्थ्य शिविर सम्पन्न भएको छ ।
नेशनल अर्थोपेडिक हस्पिटलमको आयोजनामा सञ्चालित निःशुल्क स्वास्थ्य शिविरबाट ६ जिल्लाका विपन्न नागरिकले सेवा पाएका हुन् । शिविरमा दैलेख, कालीकोट, सुर्खेत, बाँके, अछामलगायत जिल्लाका हाडजोर्नी सम्बन्धी विभिन्न समस्या भएका एक सय २५ जनाले निःशुल्क परीक्षण तथा ५ जनाले निःशुल्क अप्रेसन सेवा पाएको विशेषज्ञ डा. सैयद सद्दामले बताउनु भयो ।
आर्थिक अभावमा काठमाडौंसम्म उपचार गर्न नसकेर बिरामी अवस्थामै घरमा बस्नुपर्ने बाध्यतालाई मध्यनजर गर्दै जिल्लामै निःशुल्क शिविर आयोजना गरिएको अस्पतालका सञ्चालक एवं हाडजोर्नी नशा रोग विशेषज्ञ डाक्ट सद्दाम ले बताउनु भयो । ‘शिविरमा आर्थिक अभावले काठमाडौं जान नसकेका बिरामीले जिल्लामै विशेषज्ञ डाक्टरहरुबाट निःशुल्क अप्रेसन सुविधा प्राप्त गरेका छन् ।’
उहाँले भन्नुभयो‘यो सेवा पाउनु यहाँका नागरिकका लागि गौरवको विषय हो ।,’ नेशनल अर्थोपेडिक हस्पिटलमले नागरिकहरुको माग बमोजिमको निशुल्क स्वास्थ्य परीक्षण गर्दै आएको छ भने अतिविपन्न नागरिकहरुलाई निशुल्क रुपमा उपचार गर्दै आएको छ ।
