बाँके । बाँकेको डुडुवालाई ‘कृषि पकेट क्षेत्र’ बनाउने लक्ष्य लिइएको छ । डुडुवा गाउँपालिका वडा नं. ४ अमराहवामा शनिबार आयोजित कोणसभा कार्यक्रमलाई सम्बोधन गर्दै गाउँपालिका प्रमुख पदका उम्मेदवार नरेन्द्रकुमार चौधरीले कृषि पकेट क्षेत्रका रुपमा गाँउपालिकालाई स्थापीत गराउने प्रतिबद्धता गर्नुभएको हो । 
कृषि पकेट क्षेत्र बनाउनका लागि बिउ उत्पादन केन्द्र निर्माण गरिने छ । व्यवसायीक पशुपालनलाई दिर्घकालिन रुपमा अघि बढाउन पशुको नश्ल सुधारका कार्यक्रम अघि बढाईने छ । कृषि उत्पादन बढाउन समयमै रासायनिक मलको सहज उपलब्धताका लागी पहल गरिने उहाँले बताउनुभयो ।
तरकारीको पकेट क्षेत्रका रुपमा रहेको हिरमिनीयामा तरकारी स्टोर गर्नका लागी कोल्ड स्टोर निर्माण गर्न लागिएको जानकारी दिंदै यसको निर्माण कार्य पुरा गर्ने बताउनुभयो । यसका साथै कृषि क्षेत्रमा थप सुधारका कार्यक्रम समेत ल्याइनेछ । गाँउपालिकामा कृषि प्राविधिकहरुको उपलब्धतालाई पनि प्रभावकारी बनाइने छ ।
परम्परागत कृषि प्रणालीलाई बदल्न चुनौति रहेकाले त्यसतर्फ गाँउपालिकाले प्रभावकारी कार्यक्रमका योजना लागु गर्ने छ ।
यस्तै, कृषिसंगै पर्यटनलाई पनि प्राथमिकतामा राखिएको छ । डुडुवा क्षेत्रका पर्यटकिय स्थललाई स्थापित गराउन पहल गर्ने, कतिपय ठाउँमा झुलुङ्गे पुलको निर्माण अन्तिम चरणमा रहेकाले यसलाई सम्पन्न गर्नेे, गएको ५ वर्षका अधुरा विकास निर्माणका कार्यलाई निरन्तरता दिइने उहाँको भनाइृ छ ।
गएको ५ बर्षमा ६ जना प्रशासकिय अधिकृत बदलिएकाले प्रशासनिक काममा बाधा अड्चन देखिएको बताउदै यसको निरुपणमा लागेर जनताको सेवा प्रभावकारी बनाउने उहाँले बताउनुभयो ।
