बाँके । नेपालगञ्जस्थित राझा विमानस्थलको सुरक्षा प्रमुखका रुपमा कार्यरत बरिष्ठ प्रहरी नायव निरीक्षक प्रेमसिंह भण्डारीको हृदयघातबाट मृत्यु भएको छ । मंगलबार प्रधानमन्त्री शेरबहादुर देउवाको सुरक्षा डिउटीमा हुँदा उनी विमानस्थलमै ढलेका हुन् ।प्रधानमन्त्री देउवा दैलेख हुँदै बाँकेबाट धनगढी गएका थिए ।
बाँके विमानस्थलमा प्रधानमन्त्रीको सुरक्षा डिउटीमा खटिएका बेला भण्डारी बेहोस भएर लडेका थिए । अस्पताल पुर्याउँदा उनको मृत्यु भएको प्रहरी स्रोतले जनाएको छ । मंगलबार दिउँसो करिब साढे चार बजे उनी ढलेका थिए ।
प्रधानमन्त्री देउवा र पूर्व प्रधानमन्त्री प्रचण्ड बाँके विमानस्थलमा पुगेका थिए । त्यँही बेला उनी विमानस्थलको चौरमा ढलेका हुन् ।
