सोलु । सोलुखुम्बुको थुलुङ दूधकोशी गाउँपालिकाको अध्यक्षमा नेकपा माओवादी केन्द्रका असिम राई विजयी भएका छन् ।
माओवादी केन्द्रका राईले ४०४९ मतका साथ नेपाली कांग्रेसका वीरबहादुर राईलाई पराजित गरेका हुन् । कांग्रेसका राईले ३५११ ल्याए भने नेकपा एमालेका आङबाबु राईले १६०१ मत प्राप्त गरेका छन् ।
गाउँपालिका उपाध्यक्षमा पनि माओवादी केन्द्रकै सविता राई विजयी भएका छन् । उनले ३८०० मत ल्याए । उपाध्यक्षमा नेपाली कांग्रेसका एककुमारी बस्नेतले ३५२३ मत र एमालेका कल्पना गिरीले १७४६ मत पाए ।
गाउँपालिकाका ९ वडामध्ये ४ वडामा नेपाली कांग्रेसका उम्मेदवार विजयी भएका छन् भने ५ वटा वडामा माओवादी केन्द्रका उम्मेदवार विजयी भएका छन् ।
