बाँके । गर्मी अत्याधिक बढेपछि बाँकेको राप्ती सोनारी गाउँपालिकाले विद्यालयहरुमा गर्मी बिदा दिएको छ । अत्यधिक गर्मी र ‘लू’ का कारण बालबालिकाको सिकाइ क्रियाकलाप तथा स्वास्थ्यमा असर परेको भन्दै गाउँपालिकाले पालिका अन्तर्गतका सम्पूर्ण सामुदायिक र संस्थागत विद्यालय चार दिन बन्द गर्ने निर्णय गरेको छ ।
पालिकाका शिक्षा अधिकारी जिवन न्यौपानेका अनुसार यही जेठ १७ देखि २० गतेसम्म सम्पूर्ण विद्यालयमा बिदा दिइएको छ ।
बाँकेको तापक्रम आज ४३ डिग्री सेल्सियस पुगेको छ । अत्यधिक गर्मीले यस क्षेत्रको जनजीवन कष्टकर बनेको छ । अत्यधिक गर्मी बढेपछि नेपालगञ्ज उपमहानगरपालिका र कोहलपुर नगरपालिकाले यस अघि नै एक सुचना जारी गरि बिधालय बन्द गरेका थिए ।
