बाँके । पूर्वराजा ज्ञानेन्द्र शाह बुधबार नेपालगञ्ज आउनु भएको छ । कर्णाली प्रदेशको जुम्लालगायत ठाउँहरुमा हुने नागरिक अभिनन्दनमा सहभागी हुन पूर्वराजा शाह नेपालगञ्ज आउनु भएको हो ।
पूर्वराजा शाह बुधबार नेपालगञ्ज पुगे पछि राजावादीहरुले विमानस्थलमा भव्य स्वागत गरेका थिए । उहाँ नेपालगञ्जमा बसेर यस क्षेत्रका विभिन्न जिल्लामा हुने कार्यक्रममा सहभागी हुने बताइएको छ।
विद्वत् परिषद्का दीपकबहादुर सिंहका अनुसार बुधबार नेपालगञ्ज आइपुग्नु भएका पूर्वराजा शाहको २४ गते जुम्लामा नागरिक अभिनन्दन कार्यक्रम रहेको छ। पूर्वराजा शाह छोरीसहित आउनु भएको बताइएको छ। पूर्वराजा शाह करिब दुई हप्ता नेपालगञ्ज बस्ने कार्यक्रम रहेको छ।
