नेपालगन्ज । नेपाली कांग्रेस जिल्ला कार्यसमिति बाँकेको सदस्यमा थप ७ जना मनोनित भएका छन् । सभापति नारायण प्रसाद गौडेलले डुडुवा गाउँपालिकाका जननिर्वाचित अध्यक्ष नरेन्द्र कुमार चौधरी (पप्पु) सहित ७ जनालाई मनोनित गरेका छन् । मनोनित हुनेमा लक्ष्मी नारायण शाह, , रविन्द्र हमाल, निजामुद्दिन अन्सारी (छोट्कउ), उमा थापा मगर, टंक प्रसाद काफ्ले (आशिष) र राजेन्द्र श्रेष्ठ रहेका छन् ।
हाल ४२ सदस्यीय जिल्ला कार्यसमितिलाई पूर्णता दिन थप ७ जनालाई सदस्य पदमा मनोनित गरिएको सभापति गौडेलले बताए । जिल्ला कार्यसमिति अब ४९ सदस्यीय भएको छ । विधान अनुसार सभापतिले निर्वाचित सदस्यहरु मध्येबाट एक जनालाई कोषाध्यक्षमा मनोनयन गर्नेछन् ।
सभापति गौडेल नेतृत्वको कार्यसमितिमा उपसभापतिमा गोपाल अधिकारी र कृष्ण कार्की, सचिवमा सुधांशु कोइराला र सन्जु कुमारी थारु तथा सह-सचिवमा बिनोद थारु र रेनु सिंह ठाकुर निर्वाचित भएका थिए ।
