काठमाडौं । कांग्रेस सांसद सुनिल शर्माले गृहमन्त्रीको राजीनामा मागेका छन्।
नक्कली शैक्षिक प्रमाणपत्रको आरोपमा पक्राउ परेर रिहा भएका सांसद शर्माले आफूले गृहमन्त्रीको राजीनामा मागेको प्रतिशोध साध्न आफूलाई पक्राउ गरेको र सो पक्ररणमा गृहमन्त्रीले राजीनामा दिनुपर्ने बताएका हुन।
सोमबार प्रतिनिधिसभामा बोल्दै सांसद शर्माले भने, ‘गृहमन्त्री, प्रधानमन्त्रीले आतंककारी सरकारको नेतृत्व गर्दै हुनुहुन्छ कि डेमोक्रेटिक सरकारको नेतृत्व गर्दै हुनुहुन्छ। यो प्रजातान्त्रिक सिस्टममा बोल्न पनि पाइँदैन भने, राजीनामा माग्न पाइँदैन भने हामीजस्ता सभासदलाई बिना पक्राउ पुर्जी एरेस्ट गरिन्छ भने जनताको अवस्था हुन्छ?’
यस्तै, उनले थपे, ‘अहिलेका गृहमन्त्रीले विना शर्त राजीनामा गर्नुपर्छ, मेरो अहिलेदेखि अन्तिमसम्म माग छ। यदि गृहमन्त्रीले राजीनामा गर्नुहुन्न भने र प्रधानमन्त्रीले अपोलोजी गर्नुहुन्न भने आमरण अनशन डिक्लियर गर्छु।’
