काठमाडौं । राष्ट्रपति रामचन्द्र पौडेलले सर्वदलीय बैठक बोलाउने तयारी गरेका छन् । राष्ट्रपति निर्वाचित भएपछि पौडेलले पहिलोपटक सबै राजनीतिक दलका नेताहरुलाई भेट्न र छलफल गर्नका लागि सर्वदलीय बैठक बोलाउन लागेको हो ।
राष्ट्रपतिका प्रमुख राजनीतिक सल्लाहकार सुनिलबहादुर थापाका अनुसार राष्ट्रपति भएपछि बिरामी परेकाले उनले सबै दलका नेताहरूसँग एक पटक पनि भेटेका छैनन् । त्यसैले अहिले आएर सबै दलका नेताहरुलाई बोलाउन लागेका ह्ुन् । उक्त सर्वदलीय बैठकमा संसदको गतिरोधबारे समेत छलफल गर्ने बताइएको छ ।
केही दिनयता प्रमुख प्रतिपक्षी नेकपा एमालेले संसद अवरुद्ध गदै आएको छ । सुन तस्करी प्रकरणको छानविन गर्न उच्चस्तरिय समिति गठन गर्न माग गर्दै एमालेले संसद अवरुद्ध गर्दै आएको छ । सर्वदलीय बैठक बोलाउने तयारी गरिएको पनि मिति भने तय भइनसकेको थापाको भनाइ छ । उनले सरसल्लाह गरेर छिट्टै मिति तय गरेपछि बैठक बोलाइने बताएका छन् ।
