नरैनापुर । लुम्बिनी प्रदेश का भौतिक पूर्वाधार विकास मन्त्री सहषराम यादवले नरैनापुर गाउँपालिकाको शिक्षा स्वास्थ्य खानेपानीका लागि बिशेष बजेट बिनियोजन गर्ने बताउनु भएको छ ।
नरैनापुर गाउँपालिकामा जसपाले आयोजना गरिएको बृहत आमसभा तथा पार्टी प्रवेश कार्यक्रमलाई सम्बोधन गर्दै मन्त्री यादवले नरैनापुरको विकासका लागि प्रदेश सरकारले विशेष बजेट ल्याउने बताउनु भयो ।
नरैनापुरको विकास गरेर प्रदेशमा मात्र नभएर देशमा नै नमुना काम गरेको भन्दै नरैनापुर गाउँपालिका अध्यक्ष इस्तियाक अहमद शाहको प्रशंसा गर्दै भन्नु भयो, नरैनापुरको विकासका लागि भौतिक पूर्वाधार मन्त्री मार्फत बजेट दिने प्रतिबद्धता व्यक्त गर्नुभयो । कार्यक्रमलाई जसपाका अध्यक्ष उपेन्द्र यादवले सम्बोधन गर्ने कार्यक्रम रहेको छ ।
