गाेपालसिं खड्का
रुकुम। रुकुम पश्चिमको आठबिसकोट नगरपालिकाको औलमा ट्याक्टर दुर्घटना हुदाँ एक जनाको मृत्यु भएको छ भने एक जना घाइते भएका छन् ।
बिहिबार राती एक बजे ७ नम्बर वडाको औल नजिक रा १ त ४४१२ नम्बरको ट्याक्टर दुर्घटना हुदाँ २५ वर्षीय ट्याक्टर चालक करण नेपालीको मृत्यु भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक डेकेन्द्र शर्माका अनुसार ट्याक्टरमा सवार चालक नेपालीकी १९ वर्षीया श्रीमती सपना घाइते भएकी छिन् । घाइतेको आठबिसकोट नगर अस्पतालमा उपचार भइरहेको छ । दुर्घटना किन र कसरी भयाे भन्ने विषयमा अनुसन्धान भईरहेकाे प्रहरीकाे भनाइ छ ।
