नेपालगञ्जको दुईवटा मदरसामा दिक्षान्त समारोह सम्पन्न

बाँके २ फाल्गुन । बाँकेको नेपालगञ्ज–३ स्थित दारुल उलुम फैजुन्नबी मदरसामा आयोजना गरिएको दिक्षान्त समारोहमा २ जना विद्यार्थी र नेपालगञ्ज ५ स्थित मदरसतुल मदिना नेपाल मदरसामा ३१ जना बिद्यार्थीलाई दिक्षित (दस्तारबन्दी) गरिएको छ ।

सब–ए–बरातको अवसरमा आयोजना गरिएको दिशान्त समारोहमा दारुल उलुम फैजुन्नबी मदरसामा अध्यनरत छात्र २ जना र फैजाने मदिनामा ३१ जना मध्ये २ जना हाफिज र २९ जनालाई मौल्वी शीर्षकमा दस्तारबन्दी अर्थात शैक्षिक योग्यता अनुसारको प्रमाणपत्र वितरण गरिएको छ । दारुल उलुम फैजुन्नबी जामा मस्जिद इदगाह संचालक समितिका अध्यक्ष रहमान मियाँले यस्ता कार्यक्रमले बिद्यार्थीहरुमा उत्साह तथा प्रोत्साहन थपिने गरेको बताउनु भयो ।

मदिनाका मुफ्ती फजलहकले भन्नुभयो , मदरसा भनेकै खासमा मुस्लिम समुदायको अरबी र उर्दु भाषामा अध्ययन र तालिम दिने शैक्षिक संस्था भएकोले मदरसाको मूलप्रवाहीकरण गर्दा मुस्लिम समुदायको धार्मिक मूल्य-न्यतालाई ध्यानमा राखेर व्यवस्थापन गर्न माग गर्नु भयो ।' 

मुफ्ति फजल हकले भन्नुभयो मदरसामा तालिम लिने र अध्ययन गर्नेहरूले मुख्यतयाः हाफिज, मौलबी, मौलाना, अलिमा र फाजिल डिग्री लिने हो । सरकारले यो कुरा नै नबुझेर सामुदायिक विद्यालय जस्तै मदरसालाई राष्ट्रिय शिक्षाको मूल प्रवाहीकरण गरेको जिकिर गर्नुभयो । 

शब–ए–बारात प्रत्येक वर्ष हिज्री भित्ते पात्रो (ईस्लामिक क्यालेन्डर) को ८ औं महिना शाबानको १५ औं दिनको रात्रीमा मनाईने पर्व हो। यो पर्वमा रात भरी ईस्लामका मान्नेहरु पवित्र कुरान पढ्ने, नमाज पढ्ने, मस्जिद र मदर्सामा गई विभिन्न धार्मिक क्रियाकलाप गर्ने लगायत गरिबहरुलाई खाना खुवाउने, दान पुन गरिने आदि जस्ता पुन्य कार्यहरु गरिने गरिन्छ । शब–ए–बारातको करिव १५ दिन पछि ईस्लाम धर्मको पवित्र महिना रमजान सुरु हुन्छ । रमजानमा महिनाभरि मुस्लिम समुदाय दिनभरि निरहार उपसनामा बस्ने गर्छन ।