बाँके । बाँकेको क्षेत्र नम्बर ३ मा एमालेका किस्मतकुमार कक्षपतिले सुरुवाती अग्रता लिएका छन् । अहिलेसम्म १२ सय ४८ मत गणना हुँदा कक्षपतिले ६ सय मत प्राप्त गरी अग्रता लिएका हुन् ।
यस्तै नेपाली काँग्रेसका सहमहामन्त्री किशोरसिंह राठौंरले ४ सय मत ल्याएर कक्षपतिलाई पछ्याएका छन् । यसैगरी राष्ट्रिय स्वतन्त्र पार्टीका देवेन्द्रनाथ शुक्लाले २ सय ४८ मत प्राप्त गरेका छन् ।
अहिले बाँकेको बैजनाथ गाउँपालिका वडा नम्बर २ स्थित मतदान केन्द्रको मत पेटिका खोलिएको छ । खजुरास्थित कपास विकास समितिको सभाहलमा मत गणना अहिले पनि चलिरहेको छ ।
