बाँके । प्रथम बैजनाथ महोत्सवमा राष्ट्रिय कलाकारको प्रस्तुतिले कोहलपुरको न्युसिटी खुल्ला मैदान रोमाञ्चक बन्दै गएको छ । महोत्सवमा आइतबार चर्चित कलाकार सिमरन परियारले प्रथम बैजनाथ महोत्सवमा बेजोड प्रस्तुति दिनु भएको छ ।
दर्शकहरुको बाक्लो भिडमा उत्साहका साथ महोत्सवको मनोरञ्जन लिएका छन् । पछिल्लो समयमा निकै चर्चा पाएकी गायिका परियारले प्रथम बैजनाथ महोत्सवमा आफ्नो चर्चित गितका माध्यमबाट दर्शकलाई मनोरञ्जन दिनु भएको छ । माघ १० गतेदेखी सञ्चालन भैरहेको महोत्सवमा दिनदिनै दर्शकहरुको बाक्लो भिड लागिरहेको छ ।
महोत्सव स्थलमा स्थानीय संस्कृतिको झल्को दिने थारू गाउँ, सहित रमाइलो मेला सहितका पर्याप्त मनोरञ्जनका स्टलहरू रहेका छन् । त्यस्तै महोत्सवले स्थानीय पर्यटन, उद्योग, संस्कृति प्रर्वद्धनमा टेवा पुग्ने विश्वास लिएको महोत्सवका संयोजक सुमन विश्वकर्माले विश्वास बताउनु भयो । महोत्सव माघ २९ गतेसम्म समापन हुने छ ।
