काठमाडौं । प्रधानमन्त्री पुष्पकमल दाहाल प्रचण्डले आज मन्त्रिपरिषद् विस्तार गर्दैछन् ।
यसअघि बिहीबार नै मन्त्रिपरिषद विस्तारको तयारी गरिएपनि नेपाली कांग्रेससहितका दलहरुले मन्त्रीको लिष्ट तयार गर्न नसक्दा मन्त्रीपरिषद विस्तार हुन नसकेको हो ।
यसैबीच प्रधानमन्त्री प्रचण्डले आज मन्त्रीपपरिषद विस्तार गर्ने र आजै मन्त्रीहरुको शपथ कार्यक्रम राखिएको स्रोतले जानकारी दियो । त्यसका लागि प्रधानमन्त्रीले आज ११ बजेसम्म मन्त्री बन्नेहरुको नाम दिन दलहरुलाई निर्देशन समेत दिइसकेका छन् ।
शुक्रबार दिउँसो ३ बजेका लागि शपथग्रहण कार्यक्रमको तयारी गरिएको प्रधानमन्त्री निकट स्रोतले जानकारी दिएको छ ।
मन्त्रालयको संख्याका विषयमा सहमति जुटिसकेपनि कुन मन्त्रालय कसले नेतृत्व गर्ने भन्ने समझदारी हुन सकेको छैन ।
सत्ता गठबन्धनभित्र कांग्रेसलाई ८ वटा मन्त्रालय दिने समझदारी बनेको छ । नेताहरूका अनुसार देउवाले मन्त्री हुनेहरूको नामावली तयार पारिसकेपनि मन्त्रालय भागबन्डा मिलाउन भने सकस परेको हो ।
गठबन्धनको भागबन्डा अनुसार कांग्रेस ८, माओवादी केन्द्र ५, नेकपा एकीकृत समाजवादी २, जनता समाजवादी पार्टी २, लोसपा १, नागरिक उन्मुक्ति पार्टी १, जनमत पार्टी १, नेपाल समाजवादी पार्टीले १ मन्त्रालय लिने समझदारी छ ।
त्यसैगरी मंसिरको चुनावअघि एमाले छाडेर स्वतन्त्रबाट जितेपछि आमजनता पार्टी खोलेका प्रभु साह पनि मन्त्री बन्दैछन् ।
