बाँके । नेपालगंज उपमहानगरपालिका वडा नं ४ का अध्यक्ष एवं राप्रपाका नेता मोहम्मद सफिक बेहनाले थारु समुदायको महान् चाड माघी पर्वको अवसरमा सम्पूर्ण नेपालीमा सुख, शान्ति र समृद्धिको शुभकामना व्यक्त गर्नु भएको छ ।
वडा अध्यक्ष बेहनाले एक शुभकामना सन्देशमार्फत यस पर्वले सम्पूर्ण नेपालीबीचमा कायम रहेको सद्भाव, सहिष्णुता र एकतालाई अझ प्रगाढ बनाउँदै जाने विश्वास व्यक्त गर्नु भयो ।
“नेपाल बहुजातीय, बहुभाषिक, बहुसांस्कृतिक, बहुधार्मिक विशेषताले भरिएको सुन्दर मुलुक हो । नेपालको संविधानले समावेशी लोकतन्त्रलाई आत्मसात् गर्दै सबै जातजाति, धर्म र समुदायको विकास र उत्थानमा पर्याप्त व्यवस्थाहरू गरेको छ”–वडा अध्यक्षद्वारा जारी शुभकामना सन्देशमा उल्लेख छ ।
