बाँके । नरैनापुर गाउँपालिकाले नेपालगञ्ज जोड्ने सडक स्तरोन्नतिको काम तीव्रगतिमा अगाडि बढाइएको छ ।
सडक स्तरोन्नतिको काम तीव्रगतिमा भइरहेको र उक्त सडकको गुणस्तरमा जाँच गर्न नरैनापुर गाउँपालिकाका प्रमुख प्रशासकीय अधिकृत दल बहादुर बस्नेत प्राबिधिक सहित अनुगमन गर्नु भएको छ । “स्तरोन्नति भइरहेको सडक छिटो सम्पन्न गराउन र गुणस्तर कायम गराउन गाउँपालिकाको तर्फबाट निरन्तर अनुगमन गरेर खबरदारी गर्ने काम भइरहेको छ”, प्रमुख प्रशासकीय अधिकृत बस्नेतले बताउनुभयो ।
गाउँपालिकाभित्र निर्माण गरिएका अन्य सडक वर्षा बाह्रै महिना सञ्चालन हुने गरी स्तरोन्नति गर्ने काम भइरहेका छन् ।
बाँके जिल्लाकै सबै भन्दा दुर्गम मानिएको नरैनापुर गाउँपालिकालाई सुगम बनाउन गाउँलालिकाले शिक्षा स्वास्थ्य र बिकास निर्माणलाई प्राथमिकतामा राखेर काम गर्दै आएको छ ।
गाउँपालिकाले निर्माण गरेको अधिकांश ग्रामीण सडकमा हिउँद वर्षा बाह्रै महिना यातायात सञ्चालन हुने गरेको छ । गाउँपालिकाभित्र निर्माण गरिएका सबै सडकमा बाह्रै महिना सहजरूपमा यातायात सञ्चालन भएपछि यात्रु तथा दैनिक उपभोग्यवस्तु ढुवानीमा सहज भएको स्थानीय बासिन्दाहरुको भनाइ रहेको छ ।
गुणस्तरीय ग्रामीण सडक निर्माणमा अन्य स्थानीय तहभन्दा अगाडि देखिएको नरैनापुर गाउँपालिका सडक निर्माण गरेर सदरमुकाम संग जोडि दिएको छ । सडक सञ्जाल गाउँपालिकाका हरेक गाउँमा जोडिएसँगै स्थानीयहरुलाई भारतीय बजारको सहरा लिनु पर्ने बाध्यता हटेको छ ।
