काठमाडौं । महालेखा परीक्षकमा तोयम राय सिफारिस भएका छन् । आइतबार बिहान प्रधानमन्त्ती निवास बालुवाटारमा बसेको संवैधानिक परिषद्को बैठकले रायलाई सिफारिस गरेको हो ।
हाल तथ्यांक कार्यालयको प्रमुख तथ्यांक अधिकारी राया पूर्वअर्थसचिव हुन् । गत जेठ ८ गते टंकमणि शर्मा सेवानिवृत्त भएपछि यो पद रिक्त रहेको थियो ।
यसअघि महालेखा परीक्षकका लागि रायसँगै शिशिर ढुंगानाको चर्चा थियो । दुबैजना एमालेका अध्यक्ष केपी शर्मा ओलीनिकट हुन् । बैठकले निर्वाचन आयोग र प्राकृतिक श्रोत तथा वित्त व्यवस्थापन आयोगमा समेत एक–एक सदस्य नियुक्त गर्ने जनाइएको छ ।
