बाँके । नेपाल पत्रकार महासंघ बाँकेका पूर्व अध्यक्ष तथा प्रेस चौतारी नेपालका केन्द्रिय सदस्य रुद्र सुवेदीलाई पितृशोक परेको छ ।
पत्रकार रुद्र सुवेदीका पिता डम्बर बहादुर सुवेदीको ८० वर्षको उमेरमा उपचारका क्रममा निधन भएको हो ।
लामो समय देखि विरामी रहेका सुवेदीको उपचारका क्रममा नेपालगञ्ज मेडिकल कलेजमा निधन भएको हो । मृतक सुवेदी नेकपा एमालेका प्रभावशाली नेता समेत थिए । त्यसैगरी लामो समय बाँकेको शैक्षिक जागरणका क्षेत्रमा समेत क्रियाशिल रहेका थिए सुवेदी ।
पारिवारीक श्रोतका अनुसार अन्तिम दाहसंस्कार गर्नका निम्ति भोलि शनिबार ८ बजे अगैया घाटमा प्रस्थान हुने जानकारी दिएको छ ।
