जानकी । बाँकेको जानकी गाउँपालिका अन्तर्गत वातावरण तथा विपद् ब्यवस्थापन शाखाको आयोजनामा वृक्षरोपण कार्यक्रम शुरु गरेको छ । जानकी गाउँपालिका मातहतका वडा नम्बर ४, ५ र ६ को वडा कार्यालय र सामुदायिक विद्यालयहरुमा बिहीबार वृक्षरोपण कार्यक्रम गरेका छन ।
"बिरुवा लगाऔं, वातावरण बचाऔं" भन्ने मुल नाराका साथ वातावरण तथा विपद व्यवस्थापन समितिका संयोजक राजेन्द्र सिंहको अध्यक्षतामा एक कार्यक्रमका बिच वृक्षरोपण कार्यक्रम शुरु गरेका हुन् ।
आर्थिक वर्ष २०७८/०७९ का लागि वृक्षरोपण कार्यक्रमका लागि डिभिजन वन कार्यालय नेपालगन्ज र कोहलपुर वन कार्यालय बाँकेले १ / १ हजार बिरुवा गरि २ हजार बिरुवा सहयोग बापत उक्त कार्यक्रम सुरु गरेका छन् ।
गाउँपालिका प्रमुख प्रशासकीय अधिकृत बस बहादुर राना र कम्प्युटर अपरेटर राजेन्द्र प्रसाद बाजपेयीको सहकार्यमा निम, सितल चीनी, बाकैनु , वनरज, गोल्डमोहर, छतिवन र कदम, लगायत विभिन्न जातका बिरुवाहरु वृक्षरोपण गरेका बताएका छन् ।
४,५ र ६ नम्बर वडाको कार्यालय तथा सामुदायिक विद्यालयहरुमा करीब ५ सय बिरुवा नि:शुल्क वितरण गरिएका छन भने २ हजार बिरुवा वितरण गर्ने लक्ष्य रहेको कम्प्युटर अपरेटर राजेन्द्र प्रसाद बाजपेयीले जानकारी दिनुभयो ।
