काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन)ले चुनावी खर्च बुझाएका छन्।
चुनावी अभियानका समयमा खर्च भएको रकम निर्वाचन आयोगलाई बुझाउने प्रावधानअनुसार उनले सोमबार चुनावी खर्च बुझाएका हुन्। उनले चुनावको समयमा १४ लाख १७ हजार २ सय ८९ रुपैयाँ खर्च भएको आयोगलाई जानकारी दिएका छन्।
झापा निर्वाचन क्षेत्र नम्बर ५ बाट निर्वाचित शाहले सबैभन्दा बढी वडास्तरीय चुनावी कार्यक्रम गर्दा खर्च भएको उल्लेख गरेका छन्। वडास्तरीय कार्यक्रम गर्दा उनको ५ लाख ८० हजार खर्च गरेका छन्।
यस्तै दुईवटा सवारी सधान प्रयोग गर्दा २ लाख ९३ हजार ८ सय खर्च भएको छ, झापामा कार्यालय सञ्चालन खर्च १ लाख २० हजार, प्रचारप्रसार सामग्री बनाउँदा १ लाख ५७ हजार ८४ रुपैयाँ खर्च भएको छ।
शाहले नेकपा एमालेका अध्यक्ष केपी शर्मा ओलीलाई विजयी भएका थिए। उनी रास्वपाबाट प्रधानमन्त्रीको उम्मेदवार रहेका थिए।
