बाँके । नेपालगञ्जको धम्बोजी चोक (विरेन्द्र चोक) मा स्वर्गीय राजा बिरेन्द्रको शालिक पुनः स्थापना गरे पछि प्रहरी र राजावादीहरु बिच झडप भएको छ ।
स्व. राजा बिरेन्द्रको सम्झनामा नेपालगन्जको बिरेन्द्र चोकमा आज विहान राष्ट्रबादी युवाहरुले बिरेन्द्र राजाको शालिक राखेको राप्रपाका नेता मोहम्मद सफिक बेहनाले बताउनुभयो ।
स्व. राजाको शालिक पुनः स्थापना गर्दा स्वतन्त्र अभियन्ता, राष्ट्रबादी युवा समूह एबम् राप्रपाका नेता कार्यकर्ताको बाक्लो उपस्थिति रहेको थियो ।
आज राजा बिरेन्द्रको बंस नास भएको २१ बर्ष पूरा भएको दिन पारेर शालिक पुनःस्थापना गरिएको । २०६२/६३ को जनआन्दोलनमा विरेन्द्र चोकमा रहेको स्व. राजा विरेन्द्रको शालिक भत्काइएको थियो ।
नेपालगञ्जमा शालिक राखेपछि प्रहरी र राजाबादी युवाहरु बिच भडप भएको छ । स्थितिलाई नियन्त्रणमा लिन प्रहरीले हवाइ फायर समेत गरेको थियो ।
