बाँके । नेपाली कम्युनिष्ट पार्टी बाँके क्षेत्र नं. २ का प्रतिनिधिसभा उम्मेदवार दिपेन्द्र बिष्टको चुनावी अभियानले तीव्रता पाएको छ । सोही अभियानअन्तर्गत नेपालगञ्ज उपमहानगरपालिका वडा नं. २ र २१ मा निर्वाचन सम्पर्क कार्यालय उद्घाटन गरिएको छ ।
उम्मेदवार बिष्टसहित पार्टीको समानुपातिक बन्दसूचीमा रहेका काली मियाँ ‘कस्मिरा’ र जामिया खातुनले संयुक्त रूपमा रिबन काटेर सम्पर्क कार्यालयको उद्घाटन गर्नुभएको हो ।
उद्घाटन कार्यक्रममा स्थानीय नेता, कार्यकर्ता तथा समर्थकहरूको उल्लेखनीय उपस्थिति रहेको थियो । समर्थकहरूको उत्साहपूर्ण सहभागिताले बिष्टको चुनावी अभियान थप सशक्त बन्दै गएको सन्देश दिएको छ ।
नेतृत्व, संगठन र जनसमर्थनलाई एकसाथ अघि बढाउँदै बिष्टले बाँके क्षेत्र नं. २ मा परिवर्तनको राजनीतिको आधार तयार गरिरहेको सहभागीहरूको भनाइ थियो ।
